Европскиот комесар за хуманитарна помош, меѓународна соработка и реакции на кризи, Кристалина Георгиева денеска, на вториот ден од посетата на Босна и Херцеговина, ќе престојува во Орашје, кој е еден од најтешко погодените градови во поплавите што ја зафатија земјата.
По враќањето во Сараево, предвидено е Георгиева да одржи прес-конференција, на која ќе ги сумира резултатите од нејзината посета на поплавените подрачја.
Вчера по средбата со босанскиот министер за надворешни работи Златко Лагумџија, Георгиева најави дека ЕУ ќе и помогне на БиХ во санирањето на последиците од катастрофалните поплави.
Пред БиХ, еврокомесарката престојуваше во Србија, каде исто така посети некои од поплавените подрачја и најави помош од ЕУ за справување со последиците од поплавите.