Доколку има барање од грчката Влада, работната група на Еврогрупата ќе се состане утре, а мнистрите за финансии на евроозната ќе одржат вонреден состанок в петок, изјави извор од Брисел за грчката државна новинска агенција.
Состаноците би се свикале за да се разгледа евентуално грчко барање за продолжување на програмата за финансирање.
Доколку нема барање, нема да има средба ниту на работната група, ниту на Еврогрупата, дополнил иситот извор.
Како што јави дописникот на МИА од Атина, извори од грчката Влада претходно соопштија дека барањето на Грција за продолжување на договорот за финансирање ќе биде испратено утре претпладне до партнерите во ЕУ.
Според истите извори, содржината на писмото се уште се финализира.