ЕУ им ги продолжи мандатите на специјалните претставници за БиХ и Косово

Од:

Советот на ЕУ денеска им ги продолжи мандатите за уште две години на специјалниот пратеник на ЕУ за Босна и Херцеговина, Јохан Сатлер и специјалниот пратеник за Косово, Томаш Шуњјог.

Австрискиот дипломат Јохан Сатлер првпат е назначен за специјален пратеник за Босна и Херцеговина во август 2019 година и неговиот мандат сега е продолжен до 31 август 2023 година.

Чешкиот дипломат Томаш Шуњјог е именуван првпат за специјален пратеник за Косово на едногодишен мандат, од 1 септември 2020 до 31 август 2021 година. Сега неговиот мандат е продолжен за уште две години.

Специјалните претставници на ЕУ (ЕУСР) ги промовираат политиките и интересите на Унијата во одредени региони и земји и работат на прашања од посебен интерес или интерес за ЕУ.

Нивната улога е активно да учествуваат во напорите за зајакнување на мирот, стабилноста и владеењето на правото. Првите специјални претставници се назначени во 1996 година.

Моментно, девет специјални претставници на ЕУ ја поддржуваат работата на високиот претставник на Унијата за надворешна и безбедносна политика, Жозеп Борел.

Покрај Сатлер и Шуњјог, ЕУ го има и специјалниот пратеник Мирослав Лајчак, кој е одговорен за дијалогот Белград – Приштина и други регионални теми на Западен Балкан.

ЕУ има специјални пратеници за Јужен Кавказ и кризата во Грузија, за Сахел, Рогот на Африка, Централна Азија, блискоисточниот мировен процес и човековите права.

Би можело да ве интересира

Српската војска во прв степен на подготвеност

А1он

Борел повика на итна деескалација на северот на Косово

А1он

(ВИДЕО) Србите со пцовки ги дочекаа косовските специјалци на граница: „Рамбо, дувај го“

А1он

Амбасадорите на Квинта кај Курти по повод напнатата ситуација на косовско-српската граница

Ана Ололовска

Вучиќ: Од ЕУ ќе бараме за еден месец да ни одговорат дали постои Бриселскиот договор или не

Ана Ололовска

Грвала: Тензијата на косовско-српската граница е еднострано предизвикана од Србија

Ана Ололовска