Ерсин Татар победи на претседателските избори во Северен Кипар

Од:

Премиерот на самопрогласената Турска Република Северен Кипар, Ерсин Татар, победи на вчера одржаните претседателските избори на турскиот дел од островот, освојувајќи 51,74 проценти од гласовите, јавија доцна синоќа британските медиуми.

Противникот на Татар и досегашен претседател на оваа меѓународно непризната држава, Мустафа Акинџи, освои 48,26 проценти од гласовите.

Кипарските Турци својот нов претседател го избраа во вториот круг од претседателските избори.

Како што претходно и беше најавено, по конфликтот за правото на експлоатација на фосилните горива во водите на источен Медитеран меѓу Турција и Грција, се заостри и изборната кампања меѓу Акинџи (72), кој се противи на целосната доминација на Анкара, и Татар (60), кој, пак отворено се залагаат за целосно усогласување на севернокипарската со официјалната турска политика.

Меѓународно призната земја е Кипар, кој се наоѓа во јужниот, грчки дел на островот. Грчкиот дел на Кипар е членка на ЕУ, додека само Турција ја призна кипарската турска држава на северот од овој поделен медитерански остров.

Првиот тест за новиот претседател на кипарските Турци ќе биде состанок со кипарските Грци и претставниците на трите земји „гаранти“ на Кипар – Грција, Турција и Велика Британија, што го најави генералниот секретар на ОН, Антонио Гутереш, со цел да се раздвижат замрзнатите мировни преговори.

Би можело да ве интересира

Кипар воведува полициски час

Ана Ололовска

Турција ја одби резолуцијата на ЕП за Кипар како „уцена“

Ана Ололовска

Рекордни 12.363 тестови за еден ден на Кипар, потврдени 268 случаи на Ковид-19

Ана Ололовска

Ердоган: Кипар се состои од две одделни држави

Ана Ололовска

Кипар воведува полициски час

Ана Ололовска

Министерот за надворешни работи на Кипар во самоизолација

Ана Ололовска