Ердоган во Тирана: Присуството на ФЕТО во Албанија многу го повредува турскиот народ, преземете конкретни мерки

Од:

Турскиот претседател Реџеп Таип Ердоган, кој денеска е во еднодневна посета на Албанија, заедничката прес-конференција со премерот Еди Рама, рече дека Турција стои до Албанија и посветува посебно внимание на културните знаменитости.

dobivaj vesti na viber

– Стоиме покрај Албанија и посветуваме посебно внимание на културните објекти. Нашите министри за култура можат да се сретнат и да разговараат. Ние во министерството за туризам и култура ги имаме во едно министерство. Денеска ќе отвориме уште една институција, а тоа е реставрираната џамија Етхем бег. Покрај тоа што е културен и историски центар, џамијата е едно од најважните наследства на Тирана. Заедно со Еди Рама денеска детално ги разгледавме нашите билатерални односи, рече Ердоган.

Сепак, тој не остави без да го спомене она што официјална Турција го нарекува терористичка организација ФЕТО, за која рече ги извалкала рацете со крвта на невини луѓе.

-Разговаравме и за борбата против терористичката организација ФЕТО која во 2016 година се обиде да изврши неуспешен државен удар против нашата демократија. Овој терористички чин го поразивме благодарение на отпорот на нашиот народ, но имавме 251 брутално убиени од луѓето на ФЕТО. Оваа структура ги обои рацете со крвта на невини луѓе и претставува закана не само за Турција, туку и за секоја земја каде што е присутна, рече Ердоган.

Посочи дека оваа организација извршила државен удар во Турција и дека тоа што наоѓа простор во пријателската и братска Албанија, длабоко го повредува турскиот народ

-Фактот што опсегот си го наоѓа своето место во пријателската и братска Албанија, длабоко го боли нашиот народ. Нашето очекување е да преземете поконкретни чекори против структурирањето на ФЕТО во Албанија, порача тој.

Премиерот Рама, откако денешниот ден го оцени како значаен и убав, меѓу другото се задржа на проекти кои се реализирани благодарение на помошта од Турција, за што неколкупати се заблагодари.

-Добрата вест е што, како што дискутиравме, албанскиот јазик како изборен наставен предмет во турското образование, е реалност. Реалност е и следењето на патиштата во Албанија со паметни камери благодарение на помошта на турската влада. Проектот на првиот технолошки парк се оформува благодарение на поддршката на претседателот Ердоган. Работиме на зголемување на разузнавачките капацитети во областа на даночните и царинските приходи за да се зголеми обемот на трговијата, рече премиерот.

Рама се осврна и на туристичкиот сектор, на кој според него треба да се работи. Тој рече дека нивото на турските посетители во Албанија не е во „склад со љубовта меѓу двата народа, но овој тренд ќе се смени“.

Претходно беа потпишани седум билатерални договори, едниот е за соработка меѓу државните агенции, Агенцијата Анадолу и Албанската телеграфска агенција(АТА). Вториот е за разбирање за соработка во областа на обуката за спроведување на законот меѓу владите на Турција и Албанија, потоа за соработка меѓу државните архиви, за разбирање и соработка во областа на младите и спортот, за соработка меѓу министерствата за надворешни работи на полето на протоколот, протокол за соработка меѓу институциите опера и балет, и справување со природни непогоди.

Извор: МИА

Би можело да ве интересира

Ердоган: Нема да дозволиме Шведска и Финска да влезат во НАТО

А1он

Средба Вархеји- Џачка

Ана Ололовска

Албанија: Нема кандидатура за претседател, утрешниот прв круг на гласање пропадна

Албанскиот Парламент гласаше против усвојување резолуција за признавање на геноцидот во Сребреница

А1он

Конференцијата за одржлив развој на туризмот во Тирана: Ни треба регион отворен за нови пазари и иновативни идеи

Ана Ололовска

Финалето на Конференциската лига ги „полуде“ цените во хотелите во Тирана, ноќевање чини од 303 до 1.900 евра

А1он