Ердоган во дводневна посета на Србија – ќе го означи почетокот на градбата на автопатот Белград-Сараево

Од:

Турскиот претседател Тајип Ердоган утре во Белград ја започнува дводневната посета на Србија.

Ердоган покрај разговорите со неговиот домаќин, српскиот претседател Александар Вучиќ, ќе присуствува и на втората сесија на Советот на високо ниво за билатерална соработка, а најавени е потпишување на низа билатерални договори.

Двајцата претседатели ќе присуствуваат и на Бизнис форумот чија цел е зајакнување на билатералната економска соработка меѓу Србија и Турција.

Во вторник, во Белград, Вучиќ, Ердоган и членовите на претседателството на БиХ ќе одржат Трилатерален самит, по што во Сремска Рача официјално ќе го обележат започнувањето на работите на автопатот Белград – Сараево.

Овој автопат е важен за поврзувањето на целиот регион, ќе се гради во две насоки: Бијелина – Сремска Рача (граница со БиХ) – Кузмин и Пожега – Котроман (граница со БиХ).

Вредноста на комерцијалниот договор е 250 милиони евра и вклучува подготовка на документација и изведување на работи на делницата Сремска Рача – Кузмин – вкупно 225 милиони евра – и подготовка на проектната и техничка документација за делот Пожега-Котроман – 25 милиони евра.

Проектот ќе се финансира со заем од турската Ексим банка и буџетот на Република Србија.

Автопатот Белград-Сараево, делницата Бјелина-Сремска-Рача-Кузмин-врска со автопатот Е-70, Белград – Загреб- има должина од околу 18 километри.

Би можело да ве интересира

Ердоган: САД го ублажија ставот, бараат да не се активираат руски одбранбени системи

А1он

Ердоган до Грција: Отворете ги границите, пуштете ги мигрантите, ослободете се од товарот

А1он

Ердоган: Турција треба да добие поддршка од ЕУ за Сирија ако сака да се реши кризата со мигрантите

А1он

Меркел: Ердоган да не ги користи бегалците поради незадоволство

А1он

Русија му порача на Ердоган: Не можеме да ви ја гарантираме безбедноста

А1он

Чавушоглу: Средба Путин-Ердоган следната недела

А1он