Ердоган: Вечерва ќе разговарам со Путин за Украина

Од:

Претседателот на Република Турција Реџеп Тајип Ердоган изјави дека вечерва ќе разговара со својот руски колега Владимир Путин и оти дискусијата ќе биде фокусирана на Украина, јави Анадолија.

dobivaj vesti na viber

Ердоган се обрати на митинг во Анкара, а во таа прилика зборуваше за енергетската криза и Украина.

Кога станува збор за енергетската ситуација, Ердоган рече дека Турција релативно лесно влезе во турбулентниот период со проекти за гасоводи кои гарантираат безбедност во снабдувањето со енергија, склучени договори, складишта за течен природен гас и дупчење и истражувачки активности во Црното Море и Источен Медитеран.

– Вечерва ќе разговарам со господинот Путин и ќе имаме можност да разговараме за прашањето за Украина, рече Ердоган.

Тој се осврна и на борбата со каматите.

– Мојата најголема борба е со каматите, мојот најголем непријател се каматите. Повторно ја намаливме каматната стапка на 12. Ова не е доволно, мора да се намали уште повеќе, рече Ердоган и додаде: Се бориме против инфлацијата, верувам дека инфлацијата ќе се намалува со ниски камати по Нова година и јас го бранам таквиот пристап.

Извор: МИА

Би можело да ве интересира

Белата куќа ја објасни изјавата на Бајден: Засега не планира да се среќава во Путин

Катерина Павлова-Николовска

Кремљ: Путин му рекол на Шолц дека пристапот на Западот кон Украина е „деструктивен“

А1он

Кремљ: Путин е отворен за разговори за можно решение во Украина

А1он

Бајден „подготвен на средба со Путин“ ако со тоа се стави крај на војната во Украина

Ана Ололовска

Макрон: Путин направи голема грешка кога ја започна војната во Украина

Ана Ололовска

Путин предложи: Нова унија со Казахстан и Узбекистан?

А1он