Турскиот претседател Тајип Реџеп Таип Ердоган денеска пред новинарите во Истанбул изјави дека се надева дека Франција наскоро ќе се „ослободи“ од претседателот Емануел Макрон, опишувајќи го како „товар за таа земја“, која минува низ тешки моменти.
Односите меѓу Турција и Франција се влошија во последните месеци, најпрво поради несогласувањата околу политиката кон Сирија, а потоа и поради објавувањето карикатури на пророкот Мухамед, а потоа и на низата изјави и злосторства што следуваа.
Анкара и Париз разменија обвинувања во врска со улогите во конфликтот во Нагорно Карабах.
– Макрон е товар за Франција. Се надевам дека Франција ќе се ослободи од проблемот наречен Макрон што е можно поскоро, рече Ердоган.