Ердоган имаше средба со претставници на антивладините демонстранти

Од:

Турскиот премиер Реџеп Таип Ердоган прими синоќа во резиденцијата во Анкара претставници на демонстрантите од паркот Гези во Истанбул по само неколку часа откако даде ултиматум.

Средбата според турски медиуми траела четири часа и Ердоган ги повторил ставот за одржување референдум за жителите на Истанбул за проектите во Гези.

– Сакаме да знаеме што мисли населението во Истанбул, и тоа решение ќе биде многу значајно за нас, изјави Хусеин Челик, портпарол на владејачката Партија на правдата и развојот.

Челик уверува дека Владата нема намера да извршува градежни промени во паркот Гези каде веќе две недели има демонстранти, пред населението на Истанбул да се изјасни за проектот за градење во паркот.

Во делегацијата на демонстрантите имаше 10 луѓе меѓу кои и претставници на граѓански органзиации.

Ердоган во средата имаше средба и со други претставници на демонстрантите, кои тој ги одбра, но таа група не беше одобрена од демонстрантите.

Неколку часа пред средбата, полицијата повторно употреби солзавец врз група од околу 200 демонстранти во центарот на градот близу резиденцијата на Ердоган. Петмина демонстранти се приведени. Полицијата употреби и водени топови за да ги растури демонстрациите.

Ероган вчера упати ултиматум кон демонстрантите, но неколку часа подоцна тие го одбија ултиматумот и отфрлија референдум за градежните работи во паркот.

Би можело да ве интересира

Силен земјотрес во Турција, кај Анталија се тресеше со јачина од 4,8 степени

Катерина Ѓуровски

Силен земјотрес ја погоди Турција

ВИДЕО: Полета првиот турски борбен авион од 5-та генерација

Силен земјотрес ја погоди Турција

Горан Наумовски

Несреќа во рудник за злато во Турција: Најмалку девет рудари се затрупани

(ВИДЕО) Пукање во Истанбул, шестмина повредени: напаѓачите се убиени

Катерина Ѓуровски