Хрватската полиција извести дека ноќеска во близина на управна зграда на деловен субјект во близина на трговски центар во Риека е активирана непозната експлозивна направа. Во инцидентот нема повредени.
Непосредно пред споменатиот настан, околу полноќ, полициски службеници пред трговскиот центар во месноста Кострена затекнале германски и хрватски државјанин, кои таму оставиле експлозивна направа. Двајцата се приведени во полициска станица.
Осомничените имале и трета направа, а се е поврзано со експлозијата од 21 мај во реонот на трговскиот центар Вежице во Риека. Истрагата за наведените настани е во тек, како и кривичната истрага за утврдување на сите факти и околности.