Во вила „Горица“ во Подгорица, која ја користи црногорскиот претседател, Мило Ѓукановиќ и владата на Црна Гора за прием на високи гости и странски делегации, се случила експлозија, јави „Вечерње новости“.
Црногорските медиуми пренесуваат дека на местото на настанот има противпожарни возила.
Причината за експлозијата во Вила Горица се уште не се знае, а според пишувањата на црногорските портали, се очекува наскоро да се обратат надлежните.
Покрај различните сценарија, не треба да се исклучи и тоа дека станува збор за диверзија со цел да се предупреди Ѓукановиќ, пишува in4s.net.
Српскиот весник „Блиц“ објави дека најверојатно дошло до експлозија на една од разводните кутии.