Во тунелот Селаковац кај Мостар дојде до силна експлозија пред возилото во кое беше началникот на Заедничкиот штаб на оружените сили на БиХ, Анто Јелеч.
Експлозивната направа е активирана при поминување на возилото и остави кратер. Генералот Јелеч и луѓето во неговата придружба не се повредени.
Постои сомнеж дека се работи за нов напад, а полицијата претпоставува дека експлозивната направа е фрлена од возило во движење.
Пред два дена Енес Омерагиќ во сараевската населба Рајловац уби двајца војници на војската на БиХ, а потоа изврши самоубиство во својата куќа.