„Босанските власти донесоа одлука за отворање нова истрага за авионската несреќа во која загина македонскиот претседател Борис Трајковски“, оваа вест ја објави ТВ Алфа.
Од надлежното министерство за Алфа ТВ ја потврдија информацијата и тврдат дека, во меѓувреме се пронајдени доволно нови докази кои фрлаат нова светлина за причините за падот на Кингерот.
Оваа информација за телевизијата ја потврди и Омер Кулиќ, шеф на комисијата за истражување на воздухопловни несреќи при Министерството за транспорт и врски на Босна и Херцеговина.
Решението со кое се отвора нова истрага за неколку дена ќе ја испратат до македонските власти.