ЕК: Преговорите меѓу Белград и Приштина се насочени кон официјално признавање на Косово

Од:

Преговорите меѓу Србија и Косово под покровителство на ЕУ имаат за цел нормализирање на односите, формално признавање на Косово и интеграција на двете земји во Европската унија. Ова го изјави за време на денешниот брифинг портпаролот на ЕК Петер Стано.

– Во теорија, секоја земја може да аплицира за влез во ЕУ. Во пракса, Европската унија прифаќа и работи со апликации само од оние земји кои исполнуваат голем број критериуми, од кои едниот е фактот за нејзино законско признавање од страна на сите членки. ЕУ е во разговори меѓу Србија и Косово, кои се насочени токму на тоа – нормализирање на односите меѓу нив и нивна идна евроинтеграција. Европската интеграција значи членство во ЕУ, што подразбира целосно регулирање на односите со сите соседи, рече Стано.

Дипломатот истакна дека Европската унија не наметнува каква било форма на ваков договор за Србија и Косово, но тој треба да биде „сеопфатен и правно обврзувачки“.

До моментов, пет од 27 земји-членки на ЕУ не го признаваат суверенитетот на Косово: Шпанија, Грција, Кипар, Словачка и Романија. Секој од нив има свои историски и територијални размислувања за ова прашање. За Шпанија, признавањето може да претставува опасен преседан за Каталонија, Грција и Кипар стравуваат дека признавањето на Косово може да послужи за легитимирање на Турската Република Северен Кипар, чие постоење го признава само Турција, потсетува БГНЕС.

Доколку биде признато од Белград, Косово има шанса да добие статус на кандидат за ЕУ. Според Брисел, тоа ќе го отвори патот за нејзино признавање од другите земји на ЕУ.

Руската агенција ТАСС наведува дека иако Европската унија не го соопштила тоа гласно, дипломатски извори во Белгија велат дека Србија нема да биде може да се зачлени во ЕУ сè додека не ја признае независноста на Косово.

Би можело да ве интересира

Харадинај има верба за коалициски договор околу новиот преседател на Косово

Жарко Настоски

ВИДЕО: Хоти не одговори дали ќе се воведат ПЦР тестови за влез во Косово

Жарко Настоски

Србија ќе има нови министерства за село, човекови права и семејство

Ана Ололовска

Делегација на Министерството за енергетика на САД во посета на Србија: Договорот од Вашингтон носи просперитет за регионот

А1он

Дачиќ: Оние кои велат дека назадував во кариерата, мислат најлошо за парламентот

А1он

Косовскиот премиер Хоти во посета на Скопје

Ана Ололовска