ЕК не потврдува дека Лајчак ќе биде ЕУ претставник за Косово и Србија

Од:

Европската Комисија одбива да ги коментира медиумските написи според кои словачкиот министер, Мирослав Лајчак, ќе биде назначен за специјален претставник на ЕУ за дијалогот помеѓу Србија и Косово, јавува дописничката на МИА од Брисел .

Петер Стано, портпаролот на високиот претставник за надворешна политика на ЕУ, на редовниот брифинг порача дека станува збор за шпекулации и дека во овој момент е прерано да се коментира било што.

-Високиот претставник во регионот разговараше со неговите колеги за идејата да се назначи некој кој ќе се занимава со актуелните прашања, рече кусо Стано, одговарајќи на новинарско прашање дали потенцијалниот претставник на ЕУ би бил задолжен за Косово и Србија или за целиот регион или пак некој трет формат.

Портпаролот потврди само дека во европските институции се размислува за некаков формат, но ништо повеќе.

Дијалогот помеѓу Белград и Приштина е замрзнат речиси година и половина поради косовските царини врз српските производи. Европската Комисија го смета западниот Балкан за еден од своите врвни приоритети, и покрај отсуството на напредок во било која од земјите во регионот. Во тој контекст, институциите размислуваат да ја засилат својата дипломатска активност во регионот. Една од можностите е назначување на специјален преставник.

Би можело да ве интересира

Нови пет случаи со коронавирус во Косово, вкупно 140 заразени

Ана Ололовска

Во Србија евидентирани вкупно 1.624 заразени со коронавирус и 44 смртни случаи

Ана Ололовска

НУНС: Во Србија е загрозена слободата на изразување и безбедноста на новинарите

Ана Ололовска

Предраг Кон: Не можеме да следиме кој од кого се заразил, Србија не ја држи ситуацијата во свои раце

Ана Ололовска

Во Србија слетаа 11 руски авиони со медицинска помош и 87 војници и лекари

Ана Ололовска

Нови шестмина заболени и исто толку излекувани од коронавирусот во Косово

Ана Ололовска