Институтот за јавно здравство на Косово (ИШПК) објави дека од извршените испитувања во текот на минатиот ден, двајца испитаници резултираа позитивни на Ковид-19, по што официјалната бројка на заразени со новиот коронвирус во земјата достигна до 88, јави дописникот на МИА од Приштина.
Двете лица, кај кои вчера е потврдено присуството на вирусот, според соопштението на ИШПК, се заразени од контакти со лица, кај кои претходно биле дијагностициран новиот коронавирус. Еден од новите случаи е жител на Приштина, а другиот од Ѓаковица.
Во текот на вчерашниот ден во Лабориторијата за молекуларна микробиологија на ИШПК се испитани 108 примероци на лица за кои постоело сомневање дека се заразени од новиот вирус, со што вкупната бројка на испитаници од 8 февруари до синоќа изнесува 991.