Државните обвинители во БиХ отвориле истраги против Милорад Додик, но засега не кажуваат за кои кривични дела

Од:

Обвинителите во Босна и Херцеговина денеска соопштија дека отвориле истрага против српскиот член на државното претседателство, Милорад Додик, но не наведоа за што тој е осомничен.

Против лидерот на босанскохерцеговските Срби се поднесени неколку кривични пријави, а последната е денеска.

„Обвинителството на БиХ ја известува јавноста дека по приемот на првата (кривична) пријава формиран е предмет и за него е одреден обвинител, а и останатите пријави, исто така, се во обработка“, се наведува во соопштението на Обвинителството. Тоа значи дека обвинителите во моментов проверуваат дали има правна основа за кривично гонење.

Најмалку четворица државни обвинители минатата недела побараа отворање истраги против Додик за неуставни активности, односно загрозување на интегритетот на БиХ.

Барањата следеа по неговите најави дека најдоцна до крајот на месецот ќе иницира донесување закони со кои Република Српска ќе го спречи работењето на Вооружените сили на БиХ, државното правосудство и полициските агенции на територијата на овој ентитет со мнозинство Срби.

Против Додик, исто така, се поднесени неколку кривични пријави за постојаното негирање на геноцидот во Сребреница, кривично дело што кон крајот на јули го воведе поранешниот висок претставник за БиХ, Валентин Инцко.

Би можело да ве интересира

Брисел и даде „зелено светло“ на БиХ за отворање на преговорите за пристапување во ЕУ

Горан Наумовски

По Црна Гора, земјотресот ја погоди и Босна и Херцеговина

Земјотрес ја погоди Босна и Херцеговина

Државјанин на Босна и Херцеговина ограбил џамија во Чегране

Додик: Ако Трамп победи на изборите, Република Српска би можела да прогласи независност

Катерина Ѓуровски

Силен земјотрес во БиХ, епицентарот е на 16 километри од Сараево