Доналд Туск ќе се обрати на „Athens Democracy Forum“ и ќе се сретне со Мицотакис во Атина

Од:

Претседателот на Европскиот совет, Доналд Туски денес и утре ќе биде во Атина, за во попладневните часови да се обрати на отворањето на конференцијата „Athens Democracy Forum“, а посетата на Грција ќе ја искористи и за средба со грчкиот премиер Кирјакос Мицотакис, jави дописничката на МИА од Атина.

Мицотакис и Туск ќе се сретнат во 15 часот по локално време, а три часа подоцна претседателот на Европскиот совет ќе се обрати на конференцијата. Веднаш потоа ќе се сретне и со новиот градоначалник на Атина, Костас Бакојанис.

Во текот на утрешниот ден, Доналд Туск повторно ќе присуствува на „Athens Democracy Forum“ и ќе ги следи обраќањата на конференцијата на грчкиот претседател Прокопис Павлопулос и грчкиот премиер Кирјакос Мицотакис, а во вечерните часови ќе присуствува на доделувањето на наградата за демократија на општина Атина.

Оваа година, наградата е за убиениот градоначалник на полскиот град Гдањск, Павел Адамовиќ, а на специјален настан, во присуство на Доналд Туск, атинскиот градоначалник Костас Бакојанис наградата ќе ѝ ја врачи на сопругата на Адамовиќ, Магдалена Адамовиќ.

Би можело да ве интересира

Грчки полицаец си го заборавил службениот пиштол во кафуле

Часови по грчки и персиски јазик за деца бегалци за полесна интеграција во училиштата

Ана Ололовска

Половина од Грците задоволни од работата на владата во првите три месеци од мандатот

Ана Ололовска

Дендиас: Со Северна Македонија да се согласиме за правилно толкување на Договорот од Преспа

Ана Ололовска

Два земјотреси го погодија Закинтос

Јеронимос: Прогласувањето автокефалност на Украинската православна црква е особено корисно за Православната црква

Татјана Ташкова