Доколку САД одбијат да ги испорачаат авионите Ф-16, Турција ќе се сврти кон руските Су-35 и Су-57 и

Од:

Турција останува подготвена да ја разгледа опцијата за купување борбени авиони Су-35 и Су-57 од Русија, доколку Анкара не постигне договор со Вашингтон за испорака на американски авиони Ф-16, изјави денеска директорот на турската одбранбена индустрија Исмаил Демир.

-Ако САД не го одобрат договорот за набавка на авионите Ф-16, по затегнатата ситуација со исклучувањето од програмата за развој на моделот Ф-35, Турција нема да остане без алтернативи. Во секое време повторно може да се отвори прашањето за авионите Су-35 и Су-57, рече Демир за турскиот ТВ канал НТВ.

Тасс пренесе дека турскиот претседател Реџеп Таип Ердоган вчера објави дека постои можност САД да и продадат борбени авиони Ф-16 на Турција, откако одлучија да ја исклучат Анкара од програмата за развој на авионите од петтата генерација Ф-35, а сето тоа се случи откако Турција го купи рускиот противракетен систем С-400.

Британските медиуми вчера, исто така, јавија дека Турција испратила официјална понуда до САД за купување на 40 авиони Ф-16 и 80 пакети потребни за модернизација на веќе постоечките Ф-16 во турските воздухопловни сили.

Москва и Анкара во 2017 година потпишаа договор за испорака на руските системи за воздушна одбрана С-400, со што Турција стана првата земја членка на НАТО што го купи ова одбранбено оружје од Русија.

Одлуката на Анкара да купи руски одбранбени системи ги налути САД и НАТО, а досега Вашингтон не ги прекина напорите да ја принуди Турција да го врати рускиот систем за воздушна одбрана.

Турција не попушти под американскиот притисок и најави дека ќе го задржи системот С-400, а Вашингтон одговори со исклучување на Анкара од американската програма за развој Ф-35.

Би можело да ве интересира

Турската полиција заплени 1,5 тони марихуана, прошверцувана со чамец од Албанија

А1он

Хоспитализиран турскиот тренер Терим

А1он

САД: Управата на болница во Бостон отпушти речиси 200 невакцинирани работници

Ана Ололовска

Стејт департментот ги повика Американците да избегнуваат патувања во Франција и Португалија

Ана Ололовска

Блинкен разговараше со украинскиот претседател

Ана Ололовска

Спорните прашања за кои ќе разговараат Бајден и Путин

Ана Ололовска