За Република Српска во БиХ нема висок претставник, изјави денеска уште еднаш српскиот член на Претседателството на БиХ, Милорад Додик.
На вонредната прес -конференција, на која најави дека во петок во претседателството на БиХ во Сараево ќе се сретне со турскиот претседател Реџеп Тајип Ердоган, Додик повтори дека „неизбраниот странец“ немаше право да им го наметне спорниот закон.
-Не може да биде прифатено нешто што се наметнува надвор од меѓународното право и бидејќи се однесува на Република Српска, високиот претставник за нас не постои, рече Додик.
БиХ, додаде, може да победи само со договор и немешање на странците, и се додека тоа не биде ситуацијата ќе биде ваква.