Додик: БиХ е пропаднат проект, требa цивилизирано да се разделиме

Од:

Милорад Додик, српскиот член на Претседателството на Босна и Херцеговина, во интервју за шпанскиот весник Ел Мундо рече дека „БиХ е пропаднат проект“ и дека најдоброто решение за земјата е „Бошњаците, Србите и Хрватите да се разделат на цивилизиран начин“.

dobivaj vesti na viber

„БиХ нема да може да опстане од истата причина поради која не преживеа Југославија. Во БиХ има три народи. Двајца од нив, Хрватите и Србите, се многу незадоволни. Муслиманите сакаат да создадат унитарна држава во која тие би биле доминантни луѓе“, рече Додик.

„Нашата политика не е насочена кон отцепување. Зборуваме за поинаква можност, врз основа на оценката дека БиХ нема да биде успешна како држава. Ако е така, најдобро е да се разделиме на цивилизиран начин“, додаде тој.

Тој нагласи дека Србите нема да „почнат војна за отцепување“, но повтори дека е најдобро да се разделат „ако не може да се живее заедно“. Тој посочи дека Србите „го бранат политичкиот процес“ кон постигнување на таа цел и дека приказните за можна војна се „бесмислени“.

Тој, исто така, рече дека БиХ постои како држава само поради притисокот од меѓународната заедница.

„Тоа е експеримент на странци“, нагласи Додик.

„Првата работа што ја предлагам е странците да престанат да ја водат оваа земја бидејќи таа е единствената колонија што моментално постои во Европа. Да најдеме консензус, ако е можно“, рече тој.

Додик смета дека европскиот висок претставник Кристијан Шмит нема право да воведува закон во БиХ.

„На изборите пред три години освоив најмногу гласови, многу повеќе од двајца мои колеги од Претседателството заедно. А сега доаѓа тој Германец и вели дека иднината на БиХ нема да се конституира со Додик. Што се замислува, кој е тој?, рече Додик.

„БиХ е еден пропаднат проект… БиХ се соочува со тешка криза. Оваа криза не се појави сега, таа отсекогаш била таму. БиХ е синоним за криза“, заклучи тој.

Би можело да ве интересира

БиХ го презеде претседавањето со Јадранско-јонската стратегија на ЕУ

Ана Ололовска

ЦИК на БиХ: За октомвриските избори пријавени 108 политички субјекти

Ана Ололовска

Високиот меѓународен претставник бара да се обезбедат пари за изборите во БиХ

Ана Ололовска

Додик во писмо до Орбан: Нема биолошки да се обновиме со увоз на нехристијански вери

Ана Ололовска

Претседателот на Европскиот совет Шарл Мишел в петок во посета на БиХ

Ана Ололовска

Тегелтија на средбите во САД: Република Српска не планира отцепување од БиХ

А1он