Српскиот член на Претседателството на БиХ, Милорад Додик, на седницата на Народното собрание на Република Српска потврди дека Велика Британија вовела санкции против него и претседателката на Српска, Жељка Цвијановиќ, наведувајќи дека „тоа е смешно“.
„Не сум бил таму десет години“, рече Додик коментирајќи ја одлуката.
Потоа го прочита останатиот дел од соопштението на британската влада.
„Можеби ова ќе го израдува (потпретседателот на ПДП Игор) Црнатко“, рече Додик.
Тој изјави дека ќе продолжи да ги нарекува Бошњаците муслимани, се додека Србите во Република Српска се нарекуваат босански Срби.
„За вас е навредливо да ве нарекуваме муслимани, а не ви пречи кога не нарекуваат босански Срби“, рече Додик.
Велика Британија денеска соопшти дека ги санкционирала членот на Претседателството на БиХ, лидерот на СНСД, Милорад Додик, и претседателката на Република Српска, Жељка Цвијановиќ, поради, како што е опишано, обиди да се поткопа легитимитетот и функционалноста на Босна и Херцеговина.
Извор: МИА