Додик повикан на сослушување во Обвинителството на БиХ поради негирање геноцид

Од:

Обвинителството на Босна и Херцеговина го повика српскиот член на Претседателството на БиХ и лидер на Сојузот на независни социјалдемократи (СНСД), Милорад Додик, на сослушување поради негирање на геноцидот во Сребреница.

dobivaj vesti na viber

Додик вчера ја потврди оваа информација, за време на посетата на Мостар, коментирајќи ја веста дека градоначалникот на Јабланица Дамир Шабановиќ (СДП) поднел кривична пријава против него, бидејќи не се согласил да ангажира хеликоптери на Вооружените сили (ОС) за гаснење на пожар.во подрачјето на Јабланица.

– Секој има право да го стори тоа. Мислам дека јас сум личноста против која има најмногу кривични пријави. Нешто пристигнува секој ден. Гледам дека од Обвинителството на Босна и Херцеговина денеска пристигна покана за сослушување поради наводно негирање геноцид, рече Додик.

Поранешниот меѓународен висок претставник во БиХ, Валентин Инцко, на 23 јули воведе закон со кој се забранува негирање геноцид. Истиот ден, Обвинителството на Босна и Херцеговина објави дека ќе формира случаи против сите оние што ќе го прекршат овој закон.

Националното собрание на Република Српска ја отфрли одлуката на Инцко и донесе одлука српските претставници да не учествуваат во работата на заедничките институции на БиХ, пред се на Претседателството, Советот на министри и Парламентот.

Парламентот на РС, исто така, усвои закон со кој се казнува нарекувањето на Република Српска „геноцидна и агресорска творба“.

Би можело да ве интересира

Уставниот суд на БиХ укина дел од одлуките на Народното собрание на Република Српска

Ана Ололовска

Тегелтија: Мирот и стабилноста во БиХ не се загрозени, не може да се прави паралела меѓу ситуацијата во БиХ и Украина

Ана Ололовска

Во Сараево евакуирани основни училишта по дојава за поставена бомба

Ана Ололовска

Турковиќ: ОН предолго немо гледаат на агресија и геноцид

Ана Ололовска

БиХ го презеде претседавањето со Јадранско-јонската стратегија на ЕУ

Ана Ололовска

ЦИК на БиХ: За октомвриските избори пријавени 108 политички субјекти

Ана Ололовска