Додик: Ако НАТО не нападне, имаме пријатели кои ни ветија помош

Од:

Српскиот член на Претседателството на БиХ, Милорад Додик, изјави дека нема да има воени судири.

Тој изјави дека не знае врз основа на што поединци од Федерацијата БиХ ги темелат своите тврдења за неможноста од мирна разделба.
„Мислам дека тука нема причина за воено присуство на странци или за употреба на сила. Кога ќе го елиминирате тоа, Република Српска со својата полиција и она што го има од вооружените сили нема намера да допре ниту педа од Федерација на БиХ (ФБиХ) или да направи нешто таму, но имаме намера да го почитуваме она што е линијата на ентитетот и нејзините граници “, рече Додик за РТРС.

“Не сакаме ескалација на проблемот. Ова е политичко прашање и политичка борба. Тука се донесуваат политички, а не воени одлуки”, нагласи српскиот член на Претседателството на БиХ.

Додик вели дека Република Српска ќе донесе одлука за повлекување на согласноста за формирање вооружени сили на БиХ, што значи дека Законот за вооружените сили на територијата на Република Српска нема да се почитува и ќе има одлука секој Србин кој сака да замине од таа нелегална армија, да може да го регулира правно-работниот статус во институциите на Република Српска.

“Ќе се даде разумен рок за другите припадници на вооружените сили да ја напуштат Република Српска во тој капацитет. Тие можат да останат да живеат ако се граѓани, но повеќе нема да можат да бидат во служба на вооружени сили”, рече Додик.

Тој посочи дека Република Српска ќе се брани со донесување прописи.

“Доколку е потребно, ќе се браниме со нашите сили. Ако дојдат да кажат дека НАТО ќе интервенира, ќе побараме помош од нашите пријатели кои јасно и гласно ни рекоа дека тие никогаш не ги изневеруваат своите пријатели”, рече тој.

На прашањето дали неговите постапки претставуваат пат до независноста на Република Српска, Додик рече дека тоа не зависи од Српска, но дека „ништо друго не останува“ доколку не се почитува уставното право на Република Српска.

Би можело да ве интересира

Државните обвинители во БиХ отвориле истраги против Милорад Додик, но засега не кажуваат за кои кривични дела

А1он

ВИДЕО: Додик донесе хармоникаш и запеа во Претседателството на БиХ

Додик објави стенограм со американски дипломат: Ми се „е..“ за вашите санкции и закани

Предраг Петровиќ

Додик: Нема да одговорам на повикот на обвинителството, обидот за мое апсење ќе води кон распад на БиХ

Предраг Петровиќ

Додик го опомена американскиот амбасадор: „Доста е“

Заедничка обука на специјалните сили на Македонија, САД и на Грција