Девет лица хоспитализирани во Риека под сомнение дека се заразени со коронавирус

Од:

Поради сомнение дека можеби се заразени со коронавирус во Риека се хоспитализирани девет лица кои се вратиле од работа во Италија, јави дописникот на МИА.

Веднаш по пристигнувањето во Хрватска, а поради престојот во ризично подрачје, работниците се ставени во изолација. Еден од нив има симптоми кои укажуваат дека можеби е заразен со коронавирус, објавија хрватските медиуми. Другите осум засега се чувствуваат добро, но се чекаат резултатите од анализите кои треба дефинитивно да потврдат дали се заразени или не.

Во меѓувреме резултатите покажаа дека седумте лица за кои постоеше сомнеж дека се заразени со коронавирус се здрави, па така и официјално во Хрватска се уште нема ниту еден потврден случај на коронавирус.

Според хрватските власти изминатиов период голем број нивни граѓани престојуваа во северна Италија, така што се претпоставува дека е само прашање на време кога ќе се констатира првиот заболен. Токму затоа денес во Загреб се одржа и итен состанок на здравствените власти за тоа какви дополнителни мерки треба да се преземат да се спречи евентуалното ширење на вирусот.

На општините ширум Хрватска им е сугерирано да обезбедат простор што би се користел како карантин зона, а на граничните премини во Истра веќе се распоредуваат епидемиолози и санитарни инспектори кои ќе треба да прават контрола на лицата кои влегуваат во земјата.

Инаку, учениците кои поради екскурзија во Италија беа ставени во куќен карантин им е дозволено да излезат од истиот, бидејќи анализите покажале дека меѓу нив нема заразени со коронавирусот.

Би можело да ве интересира

Хрватска: Ослободена е келнерката која запали шанк и повреди седум лица

Горан Наумовски

ВИДЕО: Келнерка палела шанк во ноќен клуб, ги запалила и гостите – инцидент ов Хрватска

Алпинист загина во Националниот парк Пакленица, паднал од височина од околу 150 метри

Пукано во возилото на хрватскиот јавен обвинител Иван Турудиќ

Горан Наумовски

Пленковиќ: Милановиќ продолжува со циркусот, маските паднаа

На роденденска забава во Хрватска: Маж палел скара со запалива течност, па во паника запалил девојче

Горан Наумовски