Брзиот пораст на инфекции со мали сипаници во Берлин потекнува од невакцинираните бегалци, соопштија властите во Германија. Официјални лица сметаат дека епидемијата започнала од дете од БиХ, чии што родители побарале азил, а анализите потврдиле дека од тоа дете таа се проширила помеѓу бегалците. Како што се наведува постои сомнеж и дека двајца заразени дошле од САД. Инаку податоците велат дека во Берлин од почеток на годинава, од мали сипаници заболеле 347 лица што е двапати повеќе од бројот на заболени во текот на 2014 година.
Малите сипаници се заразна болест која понекогаш може да предизвика сериозни компликации особено кај малите деца.
Е. Г.