Десет пратеници во косовското Собрание заразени со коронавирус

Од:

Владејачкиот Демократски сојуз на Косово на денешната седница побара промена на собранискиот деловник, со цел да им се овозможи на пратеници одржување седници од дистанца, со оглед на порастот на бројот на заболени од Ковид-19. Од името на пратеничката група на ЛДК предлогот го изнесе пратеничката Беса Гаџери, нагласувајќи дека досега се потврдени десетмина парламентарци заразени со коронавирус.

Таа изрази уверување дека меѓу парламентарците има и повеќе други, покрај потврдените случаи, кои се заболени од Ковид-19.

– Бараме да се состанат претставниците на пратеничките групи и со еден едноставен текст да одлучат седниците да се одржуваат на дистанца во одреден временски период, рече Гаџери, барајќи таа одлука да се донесе уште на денешната седница.

Претседателката на Собранието, Вјоса Османи рече дека истото прашање го покренала уште од месец март, кога се појавија првите случаи на заразени, но дека за тоа е неопходно да се смени Деловникот, за што е потребен консензус од пратеничките групи.

Шефот на пратеничката група на опозициското Движење Самоопределување (ВВ), Реџеп Селими рече дека неговата партија не може да даде поддршка на барањето таа точка да се внесе на дневен ред за денешната седница.

– Ние со право имаме резерви во врска со мотивите за оваа иницијатива. Секако би сакале Собранието да биде функционално, но оваа иницијатива не смее да се искористи за злоупотреби. Како пратеничка група имаме потреба за повеќе консултации пред да дадеме мислење, рече Селими.

Дека е потребно да се најде решение за одржување на седниците онлајн во ситуација кога постојано се зголемува бројот на заразени од пандемијата, се изјаснија и владејачките Алијанса за иднината на Косово (ААК) и Социјалдемократска иницијатива (Нисма), како и опозициската Демократска партија на Косово (ПДК).

Собраниската спикерка Османи побара од пратеничките групи да настапат со своите предлози на наредната седница на Претседателството на Собранието, која е закажана за в среда, на 15 јули.

Би можело да ве интересира

Најмалку 800 луѓе во светот починаа поради дезинформации за Ковид-19

А1он

Бугарија ги отвора училиштата, задолжително мерење температура и дезинфекција на раце и обувки

А1он

Во Грција регистрирани рекордни 262 случаи на Ковид-19

А1он

Откриено кој фудбалер на Барсa e заразен со коронаворус пред мечот со Баерн

А1он

Дневен преглед Ковид-19: Во Косово 11 лица починаа, во Црна Гора 65 новозаразени

А1он

Во Албанија за еден ден регистрирани 141 новозаболени лица Ковид-19

А1он