„Демократска Бугарија” и „Промените продолжуваат” вечерва на протест пред бугарското Народно собрание

Од:

По повеќе од четири часа дебата Движењето за права и слободи, ГЕРБ и бугарските социјалисти со 123 гласа „за“ од трите партии, денеска ја вратија употребата на хартиеното гласачко ливче и целосно го откажаа претходното машинско гласање на изборите во Бугарија, јавува дописникот на МИА од Софија.

На овој начин трите парламентарни партии кои сакаа бугарските гласачи да имаат избор на кој начин да гласаат со машини или со хартиени гласачки ливчиња, во суштина им го одзедоа тоа право.

Според прифатениот предлог на Движењето за права и слободи, укинувањето на претходното машинско гласање ќе стапи на сила за локалните избори есента 2023 година, а претстои да се гласа за тоа дали од следната година ќе се воведат уреди за скенирање за броење на гласачките ливчиња. Доколку овој предлог не добие поддршка, сосема е можно од локалните избори па натаму гласањето да биде само со хартиени гласачки ливчиња.

Од говорницата на Народното собрание претседателката на пратеничката група на ГЕРБ, Десислава Атанасова, објасни дека доколку не се прифати предлогот на ДПС за уреди за скенирање, пратениците ќе го прегласаат овој став за да се врати машинското гласање.

Во меѓувреме, „Демократска Бугарија“ и „Промените продолжуваат“ ги повикаа своите поддржувачи на своите Фејсбук страници вечерва да излезат на протест на плоштадот пред Народното собрание во Софија и да протестираат против враќањето на хартиеното гласачко ливче и да останат цела ноќ за да се спречи неговото конечно донесување во Изборниот законик.

Би можело да ве интересира

Искршено стаклото на македoнскиот културен клуб во Благоевград – не стивнуваат провокациите

Анита Петровска Рајковиќ

Бугаринот Стојанов нуди 200 евра за името на македонски полицаец-Чак Норис е одговорот од Македонија

Анита Петровска Рајковиќ

ВИДЕО: Бугарски пратеник во живо пренесуваше како се бутка со македонската полиција

Анита Петровска Рајковиќ

ВИДЕО: Закана сте за безбедноста, нема влез во Македонија – Бугарски новинари добиле забрана за влез

Анита Петровска Рајковиќ

(ВИДЕО) Џамбаски: Tоа што се случува на границата е срам

ВИДЕО: Името си го продадовте за пет чрвени – Нервоза и пцовки од Бугарите кон полицајците на Деве Баир

Анита Петровска Рајковиќ