Седумдесет и четири турски граѓани се убиени во инциденти во турски окрузи на границата со Сирија, соопшти денеска турскиот министер за надворешни работи Ахмет Давутоглу, објави весникот „Хјуриет дејли њуз“.
Давутоглу во одговор на прашање на заменикот претседател на главната опозициска Републиканска народна партија (НРП) Сезгин Танруклу, изјави дека турските граѓани што живеат во пограничните со Сирија региони, се соочуваат со опасност поради граѓанската војна во оваа земја.
Вкупно 74 граѓани се убиени, а 337 Турци се повредени од залутани куршуми, истрелани од сириска страна за време на борбите при терористички напади на турска територија, за кои е утврдено дека стои Сирија, како и при илегално преминување на границата, покажуваат податоци, обезбедени од Генералштабот на армијата, истакна Давутоглу.
Турскиот министер нагласи дека во пограничните со Сирија региони се преземени мерки за гарантирање на безбедноста на турските граѓани.
Турција веќе изгради неколку ѕидови на границата со Сирија, што е во должина од 900 километри.