Дачиќ: Социјалистите не го кочат создавањето нова Влада

Од:

Лидерот на социјалистичката партија, Ивица Дачиќ тврди дека дел од западните сили сакаат новата влада да биде формирана од Демократската партија на Тадиќ и Српската напредна партија на Николиќ. Според него, Србија е далеку од формирање Влада и погрешен е впечатокот дека за тоа се чека одлука од Социјалистичката партија.

Сепак, Дачиќ тврди дека социјалистите се спремни да учествуваат во стратешко партнерство почитувајќи го изборниот резултат и дека не планираат да го кочат процесот, бидејќи за државата било лошо да остане без Влада подолг период.

„Имав неколку разговори и со двете партии и никој не ми даде конкретен предлог. Начелно разговаравме за потребата од политичка стабилност како и за функционирање на системот и институциите во новонастанатата состојба,“ вели Дачиќ во изјава за српски „Прес“.

Од друга страна, немањето конкретен предлог од двете партии за Дачиќ создава сомнеж дека и двете партии се обидуваат да состават нова Влада притоа оставајќи ги социјалистите надвор од неа. За лидерот на социјалистите, ова може да биде и дел од плановите на западните сили.

Тој порача дека Демократската партија треба да одлучи дали ќе биде власт или опозиција, кој ќе биде премиер, дали ќе коалицираат со Социјалистчката или со партијата на Николиќ или Владата ќе ја направат двете најголеми партии во Србија.

„Не би сакал да бидам жртва на нивните договори, па уште и народот да мисли дека јас го кочам создавањето на новата влада.Исто така постојат светски сили кои бараат формирање влада од Демократската партија, Српската напредна партија и Социјалистичката партија на Србија“, вели Дачиќ.

Би можело да ве интересира

Прв вицепремиер ќе остане Груби: Ковачевски вели дека со закон е регулирано кои позиции се менуваат во техничката влада

Јокиќ, Пикси, академици и доктори: Над 2.000 познати се потпишаа за „Александар Вучиќ – Србија не смее да запре“

Предраг Петровиќ

Неколку училишта и некои институции во Белград утринава добија дојави за поставени бомби

Истрага за возачот кој го однесе Палевски во Турција: Обвинителството бара да му се продолжи притворот

Дојави за бомби во неколку белградски училишта

(ВИДЕО) Пендаровски: Не знам кој нормален во вакви траорни времиња може да размислува за власт, после Нова година ќе мислам на тоа

Орце Костов