Дачиќ: Опозицијата да понуди членови на телото за мониторинг на медиумите за време на изборите

Од:

Претседателот на Собранието на Србија, Ивица Дачиќ, денеска ги повика претставниците на опозицијата, без оглед на „колосекот“ во која учествуваа во меѓупартискиот дијалог (со посредство или не на ЕП), да предложат претставници во привременото надзорно тело за следење на медиумите, наведувајќи дека истото треба да се формира што е можно поскоро, јави дописникот на МИА од Белград.

По онлајн разговорите со европратениците, кои посредуваа во меѓупартискиот дијалог како олеснувачи, тој кажа дека ги информирал за активностите на државните органи кои се преземени за спроведување на договорените предлози за подобрување на изборните услови.

-Државните органи ќе исполнат се што беше договорено и што побараа европратениците, кажа Дачиќ пред новинарите во српскиот Парламент.

Говорејќи за исполнување на договореното, тој кажа дека предлозите на опозицијата за членови на привремениот надзорен орган за следење на медиумите, заедно со европратениците, ќе ги достави до Министерството за култура.

Тој ја повика Партијата на слободата и правдата (ССП) на Драган Ѓилас и Народната партија (НС) на Вук Јеремиќ да ги дадат своите предлози, и покрај тоа што тие претходно изјавиле дека нема да учествуваат во тоа.

Тој, исто така, кажа дека ќе се промени Законот за избор на пратеници со цел да се прошири Републичката изборна комисија со претставниците на партиите што не учествуваа на изборите.

-Со усвојување на 16 мерки за подобрување на изборните услови, владата направи голем чекор напред, им го исфрливме секое алиби за евентуален бојкот на изборите, изјави Дачиќ.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати