Дачиќ: Курти политички преживува поради инциденти, добро e враќањето на дијалогот

Од:

Претседателот на Собранието на Србија, Ивица Дачиќ изјави дека премиерот на Косово, Албин Курти „има своја динамика, агенда и политички преживува на инциденти“, истакнувајќи дека е добро што спорот околу регистарските таблички „се врати во дијалог“.

– Курти постојано планира еднострани акции. Мораме да задржиме ладна глава, способност да не реагираме како што прво ни паѓа на ум во такви ситуации, емотивно, изјави Дачиќ.

Тој рече дека во Србија „има луѓе кои се обидуваат да се занимаваат со политика и постојано ги поттикнуваат луѓето на власт, пред се Александар Вучиќ, во стилот на она – што чекате, зошто војската не влегува во Косово, што ова, што тоа, заедно со тезата – Русија ќе ни помогне“.

– Можам да кажам една сигурна работа – никаква воена помош нема да има. Тоа никогаш не се случило и никогаш нема да се случи. Тоа не е реално. Можеме да имаме голема политичка поддршка, но не е реално дека некој воено ќе се ангажира, рече Дачиќ.

Тој додаде дека за „некој воено да се ангажира, мора да дојде до вас“.

– Па, ние не можевме да донесеме некои работи што ги купивме, бидејќи нема да ни дадат дозвола за прелети или превоз на оружје, изјави Дачиќ.

Зборувајќи за воената акција, тој оцени дека тоа е „крајно решение за не дај Боже, доколку се направи обид за погром на Србите или воено освојување на северот на Косово“.

Дачиќ оцени дека Курти „ги иритира сите во Европската унија во моментов“ и порача да не се „двоумат да му ги извлечат ушите“.

Би можело да ве интересира

Курти: Погрешно е да се политизира борбата против корупцијата и криминалот

Курти за Отворен Балкан: Ќе поддржиме иницијативи во кои од самиот почеток е вклучена ЕУ

Лавров: Русија поддржува решавање на косовското прашање согласно Резолуцијата 1244

Катерина Павлова-Николовска

Курти: Србија треба да почне да се навикнува на реципроцитет од Косово

А1он

Рама му се заблагодари на Курти за честитките и најави скорешна посета на Косово

А1он

Заев: Заедничката седница со Косово е потврда на одличните односи и заедничките интереси за Западен Балкан како регион на траен мир

А1он