Претседателот на Владата на Србија, Ивица Дачиќ по повод годишнина од смртта на поранешниот лидер на Социјалистичката партија на Србија, Слободан Милошевиќ изјави дека и денес се присутни проблемите кои постоеле и во времето на неговото владеење.
Поранешниот претседател на Србија и СР Југославија, Слободан Милошевиќ почина на 11-ти март во затворот во Хашкиот трибунал.
Дачиќ истакна дека треба да помине време, за да се даде објективно мислење за Милошевиќ и неговата политика.
Дали во нешто погрешил? Веројатно дека имаше грешки. Но прашање е како би постапила друга власт, во еден таков тежок период – изјави тој.
Дачиќ нагласи дека СПС го чува споменот на Милошевиќ и дека секоја година го одбележува денот на неговата смрт.
Нашата партија се обидува да одговори на проблемите со кои се соочува Србија во 2013 година, односно во 21 век – изјави тој.
Елена Георгиевска