Претседателот на Владата на Србија, Ивица Дачиќ изјави дека Србија инсистира да се формира заедница на српски општини на Косово, која ќе има клучни надлежности и свои органи.
Тој нагласи дека заедницата треба да има свој парламент, претседател, потпретседател и совет.
Премиерот на Србија, кој вчера разговараше со високата претставничка на ЕУ, Кетрин Ештон во Брисел, изјави дека органите може да се избираат директно или индиректно, но за Србија тоа е помалку важно, од нејзините надлежности.
Дачиќ изјави дека Србија е подготвена за компромис околу начинот на избирање на ограните на заедницата, но доколку таа добие поголеми надлежности.
Како приоритет помеѓу надлежностите тој ја спомна безбедноста, и полицијата пред се.
-Дајте ни заедница на српските општини, која ќе има што да работи, или да не губиме повеќе време на тоа – изјави Дачиќ.
Тој нагласи дека истото и го пренел и на Ештон и дека околу тие работи нема да има ценкање.
Елена Георгиевска