Црногорскиот амбасадор во Полска уапсен за корупција, вицепремиерот Абазовиќ вели: нема недопирливи

Од:

Поранешниот црногорски министер за здравство и актуелен амбасадор во Полска, Будимир Шегрт, денеска е уапсен, соопшти потпретседателот на владата Дритан Абазовиќ.

Шегрт се товари дека кога бил министер, заедно со други лица учествувал во проневера поврзана со купопродажба на болница, тешка десетина милиони евра.

„Го уапсивме поранешниот министер за здравство и амбасадор на Црна Гора во Полска, Будимир Шегрт. Нема недопирливи! Борбата против високата корупција останува наш приоритет!“ напиша Абазовиќ на Твитер.

Тој додаде дека и ќе докаже дека државата е посилна од организираниот криминал.

Лидерот на движењето УРА веќе најавуваше одлучна борба против корупцијата, која можеше веќе да се види преку апсењето на директорот на Управата за недвижнини и на уште неколку доскорешни функционери.

Абазовиќ посебно го привлече вниманието на црногорската јавност со смената на директорот на Управата на полицијата на Црна Гора, а набрзо потоа и на директорот на Агенцијата за национална безбедност.

Би можело да ве интересира

Објавен Јавeн повик до невладини организации за доставување предлози за дополнување на Планот за борба против корупција

Ана Ололовска

Николовски-Мекеј: Планот за борба против корупција основа за зголемена транспарентност и владеење на правото

А1он

Буџетот на Црна Гора за 2022 година предвиден за рамномерно финансирање по региони

Ана Ололовска

Николовски: Реализирани најголем дел од мерките од Планот за борба против корупција, се подготвува дополнување на Планот

Ана Ололовска

Азербејџанскиот милијардер Исмаилов доби азил во Црна Гора

Столтенберг за стравот на Ескобар за кредибилноста на црногорската Влада: НАТО има строги протоколи за споделување инфромации