Црна Гора го отвори последното поглавје со ЕУ

Од:

Црна Гора денеска, на Меѓувладината конференција во Брисел, го отвори осмото, последно поглавје во преговорите со Европската унија.

Поглавјето што денеска е отворено ја опфаќа заштитата на конкуренцијата и државната помош, а преговорите во тоа поглавје имаат за цел ефикасно спроведување на политика за заштита на конкуренцијата, која придонесува за подобрување на економијата, развој и раст на компаниите, инвестиции во истражување и развој на нови производи, привлекување нови инвестиции, зголемување на производството и извозот, пренесува РТЦГ.

Во име на Црна Гора, на конференцијата учествуваше шефот на Мисијата на Црна Гора во ЕУ, амбасадорот Бојан Шаркиќ, а во име на ЕУ, Ирена Андраши, постојан претставник на Хрватска во ЕУ и Кристијан Даниелсон, генерален директор за европска соседска политика и преговори за пристапување.

Црна Гора ги отвори преговорите за членство во ЕУ пред осум години и досега ги отвори сите поглавја, а привремено ги затвори преговарачките поглавја 25 – наука и истражување, 26 – образование и култура и 30 – надворешни односи.

Би можело да ве интересира

Ахмети: Александар Дугин, главата на руските политики има партија во Македонија

Нов земјотрес e регистриран во Црна Гора

Нов земјотрес ја погоди Црна Гора

Нови промени за сообраќајните казни во ЕУ: Никој веќе нема да може да ги избегне

Нов земјотрес во Црна Гора

ЕУ постигна привремена спогодба за нови правила за трговија со огнено оружје