На станицата кај Зајечар утринава се лизнале два вагони-цистерни натоварени со фосфорна киселина, но нема истекување или опасност за луѓето или околината, соопштија српските медиуми.
Според соопштението, во 8 часот и 40 минути, во станицата Зајечар, на четвртата пруга, до локомотивата се лизнале два вагона-цистерна, осмиот и деветтиот, натоварени со фосфорна киселина.
– При овој несекојдневен настан немаше истекување, немаше испарувања, а немаше ниту опасност по човечкиот живот или околината, се нагласува во соопштението.
Како што се додава, товарниот состав вклучувал 12 вагони-цистерни, кои се во сопственост на компанијата Еликсир и патувале од Прахова до Шабац.