Ципрас: Овие не се моменти за собирање политички поени

Преку официјалниот Твитер профил, поранешниот грчки премиер и лидер на СИРИЗА, Алексис Ципрас изрази сочувство до семејствата на загинатите во невремето на Халкидики, истакна дека несреќата не треба да се користи за собирање политички поени и посочи на влијанието и последиците од климатските промени, јави дописничката на МИА од Атина.

– Сакам да изразам длабоко сочувство за луѓето што загинаа на Халкидики како и целосна поддршка за повредените и погодените. Овие моменти не се за политичко искористување. Барем јас никогаш нема да го сторам тоа. Но, се моменти за длабоко замислување и одново размислување. Колку и да сакаме да го истераме или да го игнорираме, климатските промени и последиците од нив се присутни и не помага да затвораме очи пред тоа. Незапирливиот развој и се заканува на планетата, им се заканува на нашите животи. Колку побргу го сфатиме тоа, толку подобро ќе се заштитиме. Но, да имаме предвид дека се потребни радикални промени, а не половични мерки, напиша на Твитер поранешниот грчкиот премиер.

Би можело да ве интересира

Ставен делумно под контрола пожарот во западниот дел на Атика

Варвициотис: Нова демократија во наследство го доби лошиот Договор од Преспа

Мицотакис ја претстави владината програма

Пожар во предградие во западниот дел на Атика

Расправата во грчкиот парламент за доверба на новата Влада продолжува денеска

Ципрас до Мицотакис: Сега е добар Договорот од Преспа?

Татјана Ташкова