Чавушоглу: Апсурдно е поради С-400 да се доведува во прашање членството на Турција во НАТО

Од:

Апсурдно е да се доведува во прашање членството на Турција во НАТО, поради договорот на Анкара со Москва за набавка на руски противвоздушни системи С-400, оцени турскиот министер за надворешни работи Мевљут Чавушоглу.

– Апсурдно е да се доведува во прашање членството на Турција во НАТО, поради договорот за С-400 со Москва, изјави Чавушоглу во интервју за турската телевизија НТВ.

Шефот на турската дипломатија нагласи дека руските системи за противвоздушна одбрана С-400 што ќе станат дел од Вооружените сили на Турција, нема да бидат во колизија со ракетните системи на НАТО.

Осврнувајќи се на заканите и критиките на САД, кои се против зделката меѓу Анкара и Москва, Чавушоглу нагласи дека ако Вашингтон се откаже од договорот за продажба на американски ракети „Патриот“ и ловци Ф-35 на турската Армија, Турција би можела да купи дополнителен број С-400 или некои други системи.

– Турција ќе треба на други места да бара начини за задоволување на потребите за својата одбрана, истакна Чавушоглу.

Би можело да ве интересира

Пороен дожд го зафати Истанбул, едно лице почина

Од следната недела ќе почне со работа турско-американскиот оперативен центар

Ловец на НАТО се обидел да му се доближи на авионот на министерот Шојгу, интервенирал руски „Сухој 27“

Анкара: До крајот на август или во септември – втора испорака на С-400

Експлозија во склад со муниција на турско-сириската граница

Оџалан: За една недела можам да го решам судирот меѓу Турција и Курдите