Целосно вакцинирано 70,8 отсто од населението во Грција

Од:

Над 7.440.000 граѓани ја завршија вакцинацијата што е 70,8 проценти од општото население, односно 80 отсто од полнолетното население, соопшти генералниот секретар во Министерството за здравство на Грција Мариос Темистоклеус на денешната редовна прес конференција, јави дописничката на МИА од Атина.

Говорејќи за процесот на имунизација во земјата, Темистоклеус рече дека вкупно се аплицирани 19.840.000 дози од вакцината, а за бустер дозата објасни дека од 5.825.000 граѓани кои можат да ја примат, 88,5 отсто веќе ја примиле третата доза.

Претседателката на Комисијата за имунизација Мариа Теодориду, порача дека и понатаму е силна препораката за вакцинација и со трета доза, а во однос на варијантата Омикрон, повикувајќи се на неодамнешни студии, истакна дека по заразувањето, природниот имунитет е значително помал и заштитата од реинфекција е околу 60 отсто.

Од друга страна, објасни дека лицата кои се заразиле со Алфа, Вита или Делта имаат силна заштита до 90 проценти од зараза со варијантата Омикрон.

Во изминатите 24 часа во Грција беше регистиран 20.361 нов случај на Ковид-19, од направени 125.484 тестови, а починаа 78 лица.

Од почетокот на пандемијата во земјата има вкупно 2.194.453 случаи на Ковид-19 и 24.836 починати лица.

Извор: МИА

Би можело да ве интересира

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди

Герапетритис: Потребно е доследно, строго и целосно почитување на Договорот од Преспа

Орце Костов

Земјотрес во Грција