Турскиот вицепремиер Булент Аранч ја одобри новата форма на отпор во Турција – стоечките протести, кои во последните денови се одржуваат во различни турски градови.
Тој на прес-конференција изјави дека протестот на стотици луѓе, кои со часови стојат неподвижно низ улиците и плоштадите, е мирен и „убав за око“.
Аранч само побара од демонстрантите да не го блокираат сообраќајот и да не си го нарушуваат здравјето.
Стоечкиот протест во понеделникот го започна само еден демонстрант, кој осум часа стоеше исправен на истанбулскиот плоштад Таксим. Нему набрзо му се приклучија и други демонстранти, а вакви собири имаше и во други градови ширум Турција.