Бугарското МНР го осуди одржувањето на референдумите во областите Доњецк, Луганск и Херсон во Украина

Од:

Референдумите што ги објави Москва за присоединување кон Русија на регионите Доњецк и Луганск контролирани од руските сили и делови од регионите Запорожје и Херсон во Украина се уште еден обид за нарушување на суверенитетот и територијалниот интегритет на Украина и нивните резултати нема да бидат меѓународно признаени, коментираше на својот редовен брифинг портпаролот на бугарското Министерство за надворешни работи, Костадин Коџабашев.

Како што јави дописникот на МИА од Софија, тие според Коџабашев се обид за легитимирање на руската воена инвазија во Украина, како и за насилна промена на меѓународно признаените граници. Според него, тоа уште повеќе ќе го влоши конфликтот. Заменик министерот за надворешни работи Костадин Коџабашев ги потврди зборовите на бугарскиот министер за одбрана дека во оваа фаза нема конкретна воена закана за земјата. Димитар Стојанов изјави дека Бугарија го зголемила надзорот во источниот дел на земјата по говорот на рускиот претседател Владимир Путин во кој најави делумна воена мобилизација.

Коџабашев коментира дека Бугарија ја следи ситуацијата и работи заедно со своите сојузници од НАТО и ЕУ.

Последните вести од Москва не се особено пријатни, бидејќи говорат за ескалација на сите досегашни односи и, во комбинација со нуклеарната реторика и т.н. референдуми, овие прилично алармантни настани ја засилуваат потребата за категорична и доследна поддршка на суверенитетот, независноста и територијалниот интегритет на Украина, истакна Костадин Коџабашев.

Извор: МИА

Би можело да ве интересира

Бугарија оди на нови избори

Во Бугарија не е постигнат договор за нова влада

Почина бугарскиот патријарх Неофит

Почнува мешањето во претседателските избори: „Пендаровски и објави војна на Бугарија“, на амбасадорката врачен протест

Александар Тодески

Бугарија нема да испраќа војници во Украина

Земјотрес во Бугарија