Бугарскиот министер Димов останува во притвор уште 72 часа поради рестрикциите со вода во Перник

Од:

Бугарското обвинителство го обвини министерот за заштита на животната средина Нено Димов дека намерно лошо раководел со кризата настаната заради рестрикциите со вода во градот Перник, во Западна Бугарија.

Бугарската Влада претходно денеска соопшти дека премиерот Бојко Борисов ја прифатил оставката на Димов, кој претходната ноќ ја минал во притвор заради рестрикции на водата и за увоз на отпад, пренесоа британските медиуми.

Обвинителството наведува дека Димов не презел соодветни мерки за да се спречи сушењето на браната од која Перник и околните села се снабдуваат со вода, иако примил бројни предупредувања и извештаи за намалување на нивото на водата.

„Околу 97.000 жители нема да имаат нормален пристап до вода за пиење во следните пет месеци. Тоа е најголемата штета“, изјави главниот обвинител Ангел Канев и додаде дека Димов дозволил индустриските корисници да се снабдуваат со вода од браната иако уште во 2018 година бил информиран дека нивото на водата почнало да опаѓа.

Заради кризата со снабдувањето со вода која трае околу два месеца и која погоди околу 100.000 жители, организирани се бројни протести, а опозициската Социјалистичка партија бараше и гласање доверба за владата на Борисов.

Доколку Димов биде обвинет, му се заканува казна од осум години затвор.

Обвинителот кажа дека Димов и во следните 72 часа ќе остане во притвор. Тој претходно ги негираше сите обвинувања.

Инфраструктурата за снабдување на Перник со вода не е обновена повеќе од 50 години заради што градот има загуби од 70 отсто од водата за пиење.

Би можело да ве интересира

Бугарскиот тајкун Божков обвинет за трговија со влијание и антиквитети

Ана Ололовска

Во Софија ќе се казнуваат возачите на автомобилите што го загадуваат воздухот

Ана Ололовска

Радев: Зошто главниот обвинител на Бугарија гледа криминал и корупција насекаде освен во МС

Ана Ололовска

Бугарскиот главен обвинител побара од Државната агенција за национална безбедност целосна проверка на процесот на приватизација во земјата

Ана Ололовска

Средба Захариева-Палмер во Софија, РС Македонија една од темите за кои разговарале

Ана Ололовска

ЗДФ: Од европското ѓубре страдаат децата во Бугарија

Ана Ололовска