Бугарија за в петок најави „комплетно затворање“ на државата поради коронавирусот

Од:

Бугарија има намера во петок да ги затвори училиштата, рестораните и продавниците и да ги забрани сите спортски настани, приватни забави и екскурзии, за да се спречи ширењето на вирусот, изјави денеска министерот за здравство, Костадин Ангелов.

За овие мерки ќе се разговара во среда на седница на владата, со цел да се спречи целосен колапс на здравствениот систем на државата, вели министерот. Од почетокот на пандемијата, во Бугарија, која има околу седум милиони жители, се забележани 121.820 случаи на заразени со коронавирусот.

– Колку и да сте подготвени, нема таков здравствен систем што може да издржи таков притисок. Не можеме да со дозволиме да ни умираат млади, стари луѓе, учители, лекари, изјави тој.

Во Бугарија од Ковид-19 досега починаа 2.880 луѓе, а близу 700 од смртните случаи се забележани во последната недела.

Според планот на бугарската влада, од 27 ноември училиштата и факултетите ќе преминат на онлајн настава, а се затвораат кината, трговските центри, рестораните и сите угостителски објекти. Забранети се секакви собири, а ќе им биде дозволено да работат само на службите за достава на храна и на дежурните аптеки.

Би можело да ве интересира

Дали потеклото на вакцината ќе влијае на патувањето на граѓаните

Ландов

Матичните доктори кои не можеа да дискутираат за лекот Ивермектин, ќе гледаат снимка

Секој четврти Русин веќе е отпорен на ковид-19, тврди функционерката Попова

Жарко Настоски

Тренерот на ПСЖ Покетино се зарази со коронавирус

Жарко Настоски

Можеби никогаш нема да го најдеме „нултиот пациент“, велат од СЗО

Жарко Настоски

ВИДЕО: Српскиот епидемиолог Кон се разлути: Јас не сум ничиј подопашник!

Жарко Настоски