Вкупно 240 нови случаи на заразени со коронавирус во Бугарија за изминатите 24 часа, што е рекорден број на дневно ниво досега, јавија бугарски медиуми.
Најголем број заразени лица има повторно во Софија – 71. Следат Пловдив и Благоевград, со 21 и 17 заразени, соодветно.
Уште пет пациенти починале од Ковид-19 за 24 часа. Хоспитализирани се 498 заразени од кои 29 се на интензивни одделенија.
На почетокот од оваа недела, министерот за здравство Кирил Ананиев најави дека доколку бројот на заразени се зголеми на повеќе од 200 на ден, ќе се земат предвид ограничувањата. Премиерот Бојко Борисов вчера најави дека мерките нема да бидат затегнати под никакви околности.