Бугарија ќе ги уценува Србија и Македонија во пристапувањето на ЕУ

Од:

Приближувањето на Македонија и Србија кон Европската унија ќе го попречи соседна Бугарија за да реши некои билатерални прашања, објави „Дојче Веле“.

Неодамна, бугарскиот министер за надворешни работи, Николај Младенов рече дека „Бугарија треба да ги дефинира своите насоки околу интеграцијиите во Европската фамилија на соседните земји“, притоа не сакајќи да изнесе повеќе детали на што поточно мисли.

Потпретседателката на Бугарија, Маргарита Попова оваа пролет предизвика голем број реакции во Србија, велејќи во својот говор во Бослилеград дека Србија нема да влезе во ЕУ ако не го реши прашањето околу бугарското малцинство.

Попова тогаш истакна дека Софија ќе го користи правото на вето за да обезбеди почитување на правата на бугарската заедница во Србија.

Политикологот Мартин Лесенски смета дека со ваквите изјави само се се подига тензијата што владее меѓу соседите, а дека Бугарија како членка на ЕУ има обрска да постапува одмерено.

Поранешната шефица на бугарскиот тим во преговорите за пристапување со ЕУ, Антонаета Приматарова потсетува дека „инструментализацијата“ на европската перспектива на Србија и Македонија, со цел решавање отворени меѓусоседски прашања е многу несоодветна и невкусна одлука.

Како пример таа го посочи граничниот спор меѓу Словенија и Хрватска, поради кој Словенија ја блокираше Хрватска во пристапувањето.

„Спорот имаше јасна и правна димензија, додека многу е тешко да се направи законска рамка за македонско-бугарскиот конфликт околу јазикот, историјата и културата“, изјави Приматова.

„Се надевам дека нема да доживееме бугарско продолжение на смешниот спор околу името помеѓу Грција и Македонија“, заклучи таа.

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Европската Комисија ќе обезбеди општи рамковни услови за почеток на преговорите со Украина за пристапување во ЕУ

ЕУ за А1он: Измените на Законот за игри на среќа не упатуваат ниту на ограниченото европското законодавство

Александар Тодески