Бугарија и САД потпишаа документи околу 5Г мрежите и нуклеарната енергија

Од:

Бугарија и САД, во присуство на бугарскиот премиер Бојко Борисов и американскиот државен секретар Мајк Помпео, кој се вклучи преку видеоконференциска врска, денеска потпишаа клучни документи од областа на безбедноста на 5Г мрежите и нуклеарната енергија за граѓански цели, јави БГНЕС.

Помпео ја истакна „одличната работа направена во рамките на подготовките за изградба на мрежите од петтата генерација“ и изрази уверување дека со потпишувањето на декларацијата ќе се обезбеди целосна безбедност на евро-атлантското семејство.

Тој ја истакна и заедничката работа на Бугарија и САД и постигнатите резултати во други области, за кои рече дека ќе имаат „моќен ефект“.

Според Помпео, заштитените мрежи за 5Г технологија ќе им овозможат на сите заинтересирани оператори да бидат обучени да работат на таков начин што ќе обезбедат безбедни мрежи не само за Бугарија, туку и за земјите-членки на ЕУ и НАТО.

Борисов рече дека денеска е потпишана декларација за исклучително важни области.

– По нашата посета на Белата куќа, за време на разговорите со претседателот Трамп, потпретседателот Пенс, државниот секретар Помпео, Владата на САД, денеска потпишуваме декларација за безбедноста на 5Г мрежите и меморандум од областа на нуклеарната енергија за цивилни цели. Ова се исклучително важни области, рече Борисов.

Во однос на енергетиката, Бојко Борисов истакна дека до денеска има вистинска диверзификација на стратешката суровина природен гас.

– Со многу брзо темпо, успеавме да купиме 20 отсто од акциите на терминалот за течен гас во Александрополис, рече Борисов.

Според него, „гасоводот Грција-Бугарија се гради со полна брзина, преку кој може да се пренесува течен природен гас од различни извори“.

Би можело да ве интересира

Фаучи со совет до Бајден: Немате само едно решение за сите ситуации со корона-кризата

Ана Ололовска

Руски воен авион Су-27 пресретна американски извидувачки авион РЦ-135

Ана Ололовска

Фаучи: Нема причина да се верува оти вакцината може да им наштети на оние кои веќе имале Ковид-19

Ана Ололовска

Во следните три недели во САД од Ковид-19 може да умрат 60.000 лица, предупредува ЦДЦ

Ана Ололовска

Полјански: САД се обидуваат да бидат светски полицаец, што е загрижувачко

Ана Ололовска

Дури 29 отсто од тестираните во Бугарија позитивни на Ковид-19

Ана Ололовска