Казната за шетање по Будва во костим за капење е 200 евра и тоа важи и за туристите и за мештаните, одлучи Собранието на општина Будва, а одлуката е објавена во Службен весник.
Според Одлуката за комунален ред, во костим за капење можете да престојувате само во просторот за капење.
Казните се поригорозни во однос на санкциите предвидени во претходната одлука.
За почитување на оваа одредба се одговорни општинската инспекција и полицијата на општина Будва, објасни градоначалникот Милош Тајиќ, пренесе порталот Приморски.
Со усвојување на оваа одлука во локалниот парламент, Будва им се придружи на Сплит и Дубровник, кои воведоа казни за „голите“ туристи, при што сумата во Дубровник е 130 евра, а во Сплит 150 евра.