Премиерката на Србија, Ана Брнабиќ во врска со постигнатиот економски договор во Вашингтон изјави дека Србија добила многу придобивки и посочи дека отворањето на канцеларијата на Меѓународната финансиска корпорација за развој (ДФЦ) во Белград е огромен сигнал за инвеститорите и индикатор за тоа колку е безбедна земјата за инвестирање.
„Горда сум на нашата земја и делегацијата, предводена од српскиот претседател Александар Вучиќ, како тие ја претставуваа Србија во Вашингтон и Брисел, како преговараа за договорот и што од тоа доби Србија“, рече Брнабиќ.
Премиерката го најави доаѓањето на Меѓународната финансиска корпорација за развој во Србија и како што откри, ДФЦ треба да ја отвори регионалната канцеларија во Белград до крајот на септември.
„Тоа е сигнал за инвеститорите, за тоа колку сме безбедни, колку инвестиции ќе има и што тоа ќе значи за граѓаните и економијата“, додаде таа.