Брнабиќ: Србија нема план Б, Европската унија останува приоритет

Од:

Српската премиерка Ана Брнабиќ денеска изјави дека Србија сака да биде дел од Европската унија и дека нема план Б.

На онлајн самитот „Белградски економски форум“, Брнабиќ повтори дека стратешкиот приоритет на Србија и клучен фокус на надворешната политика останува членството во ЕУ и посочи дека процесот на европска интеграција е подеднакво важен и за регионот и за Србија.

Таа истакна дека сите земји во регионот прават напори да го забрзаат процесот.

Брнабиќ повтори дека процесот на европска интеграција е подеднакво важен и за регионот, како и за самата Европска унија.

– Не мислам дека ЕУ како таква може да продолжи без Западен Балкан да се интегрира во Унијата, рече Брнабиќ.

Таа му се заблагодари на комесарот Оливер Вархеи за лидерството и за „туркањето“ на процесот на проширување во рамките на Европската комисија и охрабрувањето на забрзувањето на реформите и приближувањето кон ЕУ што е можно поскоро.

– Знаеме каде сакаме да бидеме, знаеме дека сакаме да бидеме во ЕУ. Нема опција Б за Србија. Ние сакаме да бидеме дел од ЕУ, бидејќи тоа е во наш интерес и затоа што го споделуваме системот на вредности на ЕУ, рече Брнабиќ.

Како што рече таа, без оглед на внатрешните одлуки на ЕУ или земјите-членки во однос на брзината на пристапувањето, Србија е решена да продолжи по „европскиот пат“.

Би можело да ве интересира

ВИДЕО: Српскиот епидемиолог Кон се разлути: Јас не сум ничиј подопашник!

Жарко Настоски

ЕК ќе ја прифати идејата на Мицотакис за заедничка потврда со која ќе се докажува вакцинирањето

Жарко Настоски

Брисел: Имаме доволно вакцини, не ја разгледуваме кинеската

Жарко Настоски

ВОЗНЕМИРУВАЧКО ВИДЕО: Објавена снимка од убиството на 25-годишниот Србин во Америка

Ана Ололовска

Во Србија вакцинирани над 19.000 лица, утре пристигнува кинеската вакцина Синофарм

Ана Ололовска

Радуловиќ: Црна Гора сака да ги рестартира односите со Србија

Ана Ололовска